Category Archives: Сувилахуйн сургалтын МЭДЭЭ

“СУДЛААЧ” эрдэм шинжилгээний хурлын илтгэлийн хураангуй

2022 – 2023 оны хичээлийн жил:

Эрдмийн чуулган 65 | “СУДЛААЧ XXI” эрдэм шинжилгээний хурлын илтгэлийн хураангуй

2021 – 2022 оны хичээлийн жил:

Эрдмийн чуулган 64 | “СУДЛААЧ XX” эрдэм шинжилгээний хурлын илтгэлийн хураангуй

2020 – 2021 оны хичээлийн жил:

Эрдмийн чуулган 63 | “СУДЛААЧ XIX” эрдэм шинжилгээний хурлын илтгэлийн хураангуй

2019 – 2020 оны хичээлийн жил:

Эрдмийн чуулган 62 | “СУДЛААЧ XVIII” эрдэм шинжилгээний хурлын илтгэлийн хураангуй

2017 – 2018 оны хичээлийн жил:

Эрдмийн чуулган 60 | “СУДЛААЧ XVI” эрдэм шинжилгээний хурлын илтгэлийн хураангуй

“Тархи Судлалын үндсэн техникүүд –Улаанбаатар 2020” сэдэвт сургалтад урьж байна

АШУҮИС-ийн Тархи судлалын хүрээлэн, Олон Улсын тархи судлалын байгууллага хамтран зохион байгуулж байгаа “Тархи Судлалын үндсэн техникүүд –Улаанбаатар 2020” сэдэвт сургалтад та бүхнийг урьж байна.

Сургалтын зорилго:

• Тархи судлалын үндсэн арга техникийн онол,дадлага, туршлага  олгох
• Аман болон ханын илтгэл танилцуулах чадвар олгох

Зохион байгуулагч:  АШУҮИС, Олон Улсын тархи судлалын байгууллага (IBRO)

Хугацаа: 2020 оны 8-р сарын 10-ны өдрөөс (Даваа) эхлэн 8-р сарын 15-ыг хүртэл (Бямба)

Хамрах хүрээ:  Судлаач, эмч, багш, сэтгэлзүйч, докторант, магистрант

Товч танилцуулга: Олон Улсын тархи судлалын байгууллагын Ази-Номхон далайн бүсийн хороо болон АШУҮИС-ийн Тархи судлалын хүрээлэн хамтран тархи судлалын албан ёсны сургалтыг Монголд 3 дахь жилдээ зохион байгуулах гэж байна. Тус сургалтад тархи судлалыг сонирхдог шилдэг 20 оролцогчийг сонгон шалгаруулж хамруулна (сурагч болон оюутан хамрагдах боломжгүй). Сургалтад мэдрэлийн эсийн бүтэц, үйл ажиллагаа болон төрх үйлийн тархи судлалын талаарх суурь ойлголт, судлах арга аргачлал, түүний эмнэлзүйн ач холбогдлын тухай мэдлэг, дадлага, туршлага олгох зорилгоор лекц, семинар, туршилт, хэлэлцүүлэг зэрэг олон талт сургалтын хэлбэрүүд багтсан. Бүх оролцогч өөрийн хийж байгаа судалгаагаа аман болон ханын илтгэл хэлбэрээр хэлэлцүүлэх, эксперт судлаачдаас зөвлөгөө авах боломжтой. Түүнчлэн тархи судлалын чиглэлээр суралцах, ажиллахад нь дэмжлэг болох зорилгоор дотоод, гадаадын лабораториудын дэлгэрэнгүй мэдээлэл, судлаач нартай нь биечлэн уулзах боломжоор хангана. Сургалтын 5 дахь өдрөөс эхлэн “Салбар дундын тархи судлалын шинжлэх ухаан” сэдэвт эрдэм шинжилгээний хуралд оролцоно.

Сургалт үнэ төлбөргүй явагдах бөгөөд оролцогчид цайны завсарлага, өдрийн хоол, сургалтын гарын авлага, сургалтын хичээлийн хэрэглэлээр үнэ төлбөргүй бүрэн хангагдана.

Зөвхөн гадаад улсаас оролцож буй шалгарсан цөөн тооны оюутанд буудал, аяллын зардал олгогдоно.

Сургалтын хөтөлбөр, сургалтын талаарх дэлгэрэнгүй мэдээлэл, бүртгүүлэх зааврыг хавсралтаар илгээж байна.

Сургалтын талаарх дэлгэрэнгүй мэдээллийг доорх хаягаар харна уу.

   https://ibroschool.neuroscience.mn/

Бүртгэлийг 2020 оны 5 сарын 21-ний өдрөөс өмнө доорх хаягаар хийнэ.

https://form.jotform.com/201112099507953

Бүртгэл англи хэл дээр хийгдэх бөгөөд хэрэв англиар бөглөхөд хэцүү байвал доорх google form-г бөглөж бидэнд илгээнэ үү.

https://forms.gle/ZKgzXXC5WrVXxg9e8

Бүртгүүлэхэд ямар нэгэн бэрхшээл байвал secretariat@neuroscience.mn хаяг руу мэйл бичих эсвэл 88228737 (Э.Чимэддулам) утсаар бидэнтэй холбогдоно уу.

Жич: COVID-19 өвчний улмаас Олон улсад мөрдөгдөж буй хол хорионы дэглэмээс шалтгаалан тус сургалт хойшлогдох буюу үйл ажиллагааны төлөвлөгөөнд өөрчлөлт орох боломжтойг анхааруулж байна.

Сургалтын заавар:

Заавар_IBRO_school_2020

Анкет бөглөх заавар:

Сургалтын анкет бөглөх заавар - The 3rd Ulaanbaatar School

Тархи судлалын хүрээлэн.

Сувилахуйн төгсөлтийн дараах сургалтанд 2019-2020 оны хичээлийн жилд элсэн суралцагчийн анхааралд

Сувилахуйн төгсөлтийн дараах сургалтанд суралцахаар онлайнаар бүртгүүлсэн сувилагч, эмнэлгийн тусгай мэргэжилтнүүд 2020 оны 04 сарын 21-26 ныг дуустал дараах материалыг бүрдүүлэн enkhtuya@mnums.edu.mn хаягаар илгээнэ үү. Цаасан хэлбэрээр нүхтэй хавтасанд хийж сургалт эхэлсний дараа хурааж авахад бэлэн болгоно.

Бүрдүүлэх материал:

1. Анкет /ЭНД ДАРЖ татан авна уу/
2. Дипломын хуулбар
3. Лицензийн хуулбар
4. Бүртгэлийн хураамж /15.000/ төлсөн баримт
5. Үйл ажиллагааны төлбөр /20.800/ төлсөн баримт (Мэргэжил дээшлүүлэх сургалт бол /8.000/)
6. Сургалтын төлбөр /208.000/ төлсөн баримт  (Мэргэжил дээшлүүлэх сургалт 1 сар бол /80.000/) Төлбөр байгууллагаас төлөгдөх бол Мэйл илгээхдээ энэ тухай бичнэ үү, төлбөрийн нэхэмжлэлийг нэгдсэн байдлаар өгнө. 

• Сургалтын төлбөр төлөх заавар:

Сувилагч, тусгай мэргэжилтний төрөлжсөн мэргэшлийн сургалтанд суралцагчид төлбөрийн баримт дээр дараах утгыг заавал бичсэн байна.

Сургалтын төлбөр /Курсийн/

• • • • Регистрийн дугаар,
      • Овог нэр
      • Гүйлгээний код 105,
      • Утасны дугаар

Бүртгэлийн хураамж

• • • • Регистрийн дугаар,
      • Овог нэр
      • Гүйлгээний код 107,
      • Утасны дугаар

Үйл ажиллагааны хураамж

• • • • Регистрийн дугаар,
      • Овог нэр
      • Гүйлгээний код 108,
      • Утасны дугаар

• • Банк: Хаан банк
  • Дансны дугаар: 5031813390
  • Хүлээн авагч: АШУҮИСургууль

Сургалтын төлбөр бүрэн төлөөгүй тохиолдолд сургалтанд хамруулах боломжгүйг анхаарна уу. Материал бүрэн тохиолдолд АШУҮИС-ийн захирлын тушаалаар баталгаажуулж сургалтын хуваарилалтыг хийнэ.

Сургалт эмнэлэг дээр явагдах тул:

• Иж бүрэн хувцастай байх. /халад, малгай, маск, табочик, гарын алчуур, гар ариутгагч гм/
• Энгэрийн тэмдэг зүүсэн байх /МДИ-ээс тушаал гарсны дараа олгоно/
• Суралцагчийн дэвтэртэй байх /МДИ-ээс тушаал гарсны дараа олгоно/
• 30 хуудастай бичгийн хавтастай байх
• 3 өнгийн балтай байх
• Тэмдэглэлийн дэвтэртэй байх

Дээрх хугацаандаа багтаан материалаа яаралтай ирүүлж сургалтанд хамрагдана уу. Лавлах зүйл байвал 91171954 утсаар лавлана уу.

Мэргэжил Дээшлүүлэх Институт

Эрдмийн чуулган 62 | “Судлаач-18” эрдэм шинжилгээний хурлын илтгэлийн хураангуй

Сувилагч, тусгай мэргэжилтний төрөлжсөн болон мэргэжил дээшлүүлэх сургалтын цахим бүртгэл сунгагдлаа

2019-2020 оны хичээлийн жилийн хаврын улирлын Сувилагч, тусгай мэргэжилтний төрөлжсөн болон мэргэжил дээшлүүлэх сургалтын цахим бүртгэл  2020.04.20-ны өдрийн 10:00 цаг хүртэл сунгагдлаа.

Жич: Бүртгэл зөвхөн цахимаар хийгдэх тул өөрийн биеэр ирэхгүй байх сургалт эхлэх талаарх мэдээллийг 4 сарын 15-нд  энэхүү вэбээр мэдээллэнэ.

Бүртгүүлэх бол ЭНД ДАРНА уу.

Сургалтын бүртгэлтэй холбоотой асуух зүйлээ доорх утсаар холбогдон асууна уу.

Утас: 11-321194, 91171954

Халдвар хамгаалалтын асуудалд анхааран ажиллаж байна

Дайчлагдан ажиллаж буй эмч нарын халдвар хамгаалал, аюулгүй байдал, ажиллах нөхцөл байдлын талаар Мэргэжил Дээшлүүлэх Институтийн зүгээс хяналт хийж, ЭМЯ, НЭМГ-т удаа дараа  цаг тухайд нь хүсэлт гарган дайчилгаанд ажиллаж буй эмч нарын халдвар хамгаалал, аюулгүй байдал, ажиллах нөхцөл бололцоогоор хангаж ажиллах хүсэлтийг хүргүүлсэн.

Хэдийгээр өмнө нь хангалт хийж байсан ч зохион байгуулалтын асуудал дээрээ багахан алдаа гаргаж байснаа засаж НЭМГ дээрээ тухайн өдрийн багийн ахлагч нарт албан ёсоор хүлээлгэн өгдөг болсон тухай НЭМГ-аас өнөөдөр мэдээллээ.  

Сувилагч, тусгай мэргэжилтний төрөлжсөн болон мэргэжил дээшлүүлэх сургалтын цахим бүртгэл

2019-2020 оны хичээлийн жилийн хаврын улирлын Сувилагч, тусгай мэргэжилтний төрөлжсөн болон мэргэжил дээшлүүлэх сургалтын цахим бүртгэл эхэллээ.

Цахим бүртгэл 2020.04.01-ний өдрийн 10:00 цаг хүртэл явагдана.

Жич: Бүртгэл зөвхөн цахимаар хийгдэх тул өөрийн биеэр ирэхгүй байх мөн өндөржүүлсэн бэлэн байдлыг 2020.04.01-ний өдрөөс дахин сунгасан тохиолдолд сургалт эхлэх талаарх мэдээллийг тухайн үед цахимаар мэдээлнэ.

Бүртгүүлэх бол ЭНД ДАРНА уу.

Сургалтын бүртгэлтэй холбоотой асуух зүйлээ доорх утсаар холбогдон асууна уу.

Утас: 11-321194, 91171954

Уриалга

Дэлхий нийтэд цар тахлын хэмжээнд хүрч “COVID-19” хэмээн нэрлэгдээд байгаа энэхүү аюулт өвчний эсрэг Монгол улсын төр шийдвэртэй арга хэмжээ авч хэрэгжүүлж байгаа бөгөөд үндсэн мэргэжлийн чиглэлээр суралцаж байгаа резидент эмч та бүхнийг эрсдэлээс урьдчилан сэргийлэх ажилд дайчлан, шаардлагатай үед голомтонд ажиллуулах бэлэн байдлыг ханган ажиллаж байгааг та бүхэн мэдэж байгаа.

Бид өнөөдрийг хүртэл дэлхий нийтийг цочроогоод байгаа өвчний эсрэг өргөсөн тангарагтаа үнэнчээр ажиллаж Улаанбаатар хот руу орох, гарах шалган нэвтрүүлэх цэгүүд дээр 24 цагаар ажиллаж, зарим мэргэжлийн тухайлбал: мэс засал, дотор, сэхээн амьдруулах, эрчимт эмчилгээ, яаралтай тусламж, гэмтэл согог судлал, эх барих эмэгтэйчүүд, хүүхдийн чиглэлээр суралцаж байгаа эмч нар маань бэлэн байдлыг ханган ажиллаж байна. Энэ сургуулийн резидент эмч нар 2003, 2009 онуудад гарсан SARS, H1N1 үед ч мөн төр засгийнхаа шийдвэрийг хэрэгжүүлэн ажиллаж байсан арвин туршлагатай. Төр засаг ч энэ хүнд үед ажилласан эмч нартаа ажлын төгсгөл үр дүнд хүрсний дараа урамшуулал олгож байсныг бид мартаагүй, тэрхүү голомтонд ажилласан эмч нар маань тухайн үедээ арвин туршлага хуримтлуулж, өнөөдөр ч тэргүүн эгнээнд ажиллаж байгаа. Тиймээс резидент эмч нар та бүхэндээ хэн нэгний өдөөн хатгасан, нийтийн санаа бодлыг эргэлзүүлсэн мэдээлэлд авталгүй өөрсдийн хариуцсан ажилдаа санаачлагатай, хариуцлагатай ажиллахыг Мэргэжил Дээшлүүлэх Институтийн зүгээс хүсч байна.

Дайчлагдан ажиллаж буй эмч нарын халдвар хамгаалал, аюулгүй байдал, ажиллах нөхцөл байдлын талаар Мэргэжил Дээшлүүлэх Институтийн зүгээс хяналт хийж, ЭМЯ , НЭМГ-т удаа дараа (2020 оны 1/390 тоот албан бичиг)  цаг тухайд нь хүсэлт гарган дайчилгаанд ажиллаж буй эмч нарын халдвар хамгаалал, аюулгүй байдал, ажиллах нөхцөл бололцоогоор хангаж ажиллахыг хүссэн.

Аливаа ажлын үр дүнтэй төгсгөл хүртэл Дэлхий нийтэд хүнд сорилт болсон “COVID-19” цар тахлын үед ард түмэн, үйлчлүүлэгч нарын эрүүл мэндийн төлөө өдөр, шөнөгүй ажиллаж байгаа олон мянган эмч нартай мөр зэрэгцэн, хүлээсэн үүргээ ухамсарлан, хариуцлагатайгаар манлайлан ажиллахыг  Та бүхэндээ УРИАЛЖ БАЙНА.

Мэргэжил Дээшлүүлэх Институт

Өндөржүүлсэн бэлэн байдлын үед Улаанбаатар хот руу орох гарах постонд дайчлагдан ажиллаж байгаа суралцагч эмч нарын үйл ажиллагаатай танилцах ээлжит хяналт эргэлтийг хийлээ

Мэргэжил дээшлүүлэх институт нь өмнө нь Эмээлт, Гүнт, Морингийн давааны шалган нэврүүлэх постонд дайчлагдан ажиллаж байгаа эмч үйл ажиллагаатай танилцаж санал хүсэлтийг нэгтгэн НЭМГ, ЭМХТ-д уламжилж байсан бол 2 дахь удаагийн хяналт эргэлтийг 2020 оны 3-р сарын 12-ны өдөр Налайх, Өлзийт, Баруун туруун, Эмээлтийн шалган нэвтрүүлэх постонд дайчилгаанд ажиллаж байгаа суралцагч эмч нартай уулзаж гүйцэтгэж байгаа ажил үүрэгтэй нь танилцаж, санал хүсэлтийг нь авч,мөн хамтран ажиллаж байгаа багийнхны санал сэтгэгдлийг сонсож, зөвлөгөө өглөө.

Мэргэжил Дээшлүүлэх Институтийн захирал Д. Амарсайхан, арга зүйч Г. Алимаа нар хяналт эргэлтийг хийхэд Налайх шалган нэвтрүүлэх постонд 2 дүрс оношилгооны үндсэн мэргэшлийн чиглэлээр суралцаж байгаа 3, хөтөлбөрийн зөрүү арилгах багц цагийн сургалтанд суралцагч 2,Өлзийтийн шалган нэвтрүүлэх постонд төгсөлтийн дараах сургалтанд эмнэлзүйн эмгэг судлалын үндсэн мэргэшлийн сургалтанд суралцаж байгаа 2, хөтөлбөрийн агуулгыг нөхөн суралцах багц цагийн сургалтанд суралцагч 2, Баруун турууны шалган нэвтрүүлэх постонд Өрхийн анагаах ухаан судлалын суралцаж байгаа 2, Нүд судлалын чиглэлээр суралцаж байгаа 2, хөтөлбөрийн агуулгыг нөхөн суралцах багц цагийн сургалтанд суралцагч 2, Эмээлт шалган нэвтрүүлэх постонд Нүд судлалын чиглэлээр суралцаж байгаа 3, хөтөлбөрийн агуулгыг нөхөн суралцах багц цагийн сургалтанд суралцагч 3 эмч буюу нийт 23 эмч хуваарийн дагуу ажил үүргээ хариуцлагатайгаар гүйцэтгэж байлаа.

Мэргэжил дээшлүүлэх институтийн зүгээс нийт дайчлагдан ажиллаж байгаа эмч нарт дараах мэдээлэл зөвлөгөөг өглөө.

• Авто тээврийн хөдөлгөөнтэй газар аюулгүй байдлаа хангаж ажиллах,
• Халдвар хамгааллын дэглэм баримталж хариуцлагатай ажиллах,
• Хамтран ажиллаж буй багийнхан болон зорчигч, Эрүүл мэндийн төвийн удирдлага хамт олонтой ёс зүйтэй, соёлтой, хүндэтгэлтэй харилцах
• МДИ-ийн вэб хуудсан дайчилгааны үйл ажиллагаа, хангамж, зохион байгуулалттай холбоотой санал асуумж бөглөх талаар зааварчилгаа өгсөн
• Дэд захирал Д. Зоригийн дэмжлэг болгон өгсөн 100 ширхэг маскыг суралцагч болон цагдаа нарт тараахад сэтгэл өндөр хүлээн авсан.

Бид дайчилгаан ажиллаж байгаа суралцагч эмч нарын ажиллах нөхцөл аюулгүй байдлыг хангах үүднээс шалган нэвтрүүлэх постонд ажиллаж байгаа суралцагчдын санал хүсэлтийг ажлын байран дээр нь очиж авахаас гадна, судалгааг институтийн веб хуудсаар цахим хэлбэрээр авч нэгтгэн ЭМС болон УОК, НОК- уламжлахаар төлөвлөн ажиллаж байна.

Дэлхий нийтэд хүнд сорилт болсон COVID 19 цар тахлын үед ард түмэн үйлчлүүлэгч, өвчтөн бүрийн амь насыг аврахаар өдөр шөнөгүй ажиллаж олон мянган эмч нартай хөл зэрэгцэн үүргээ ухамсарлан хариуцлагатайгаар манлайлан ажиллаж байгаа төгсөлтийн дараах сургалтанд суралцагч эмч нартаа АШУҮИС болон МДИ хамт олноос талархаж байна.