Төгсөлтийн дараах сургалтанд суралцагчдын анхааралд

Төгсөлтийн дараах сургалтанд суралцагчдын анхааралд

“НЭМГ-аас 2020 оны 03 сарын 21-нд гаргасан мэдэгдэлд Мэргэжил Дээшлүүлэх Институтийн зүгээс захирлын 2020 оны 03 сарын 23-ны өдрийн 20/102 тоот албан бичгээр мэдэгдэлтэй холбоотой эх сурвалж, нотлох баримт мэдээллийг ирүүлэх, мөн ” … та бүхний мэдэгдэл гаргахдаа үндэслэл болгосон хэсэг бүлэг хүмүүсээс болж,  байгаль цаг уурын нөхцөл байдлыг үл харгалзан хүйтэнд хөрч, нойр хоолоо хасч, сэтгэл гарган ажилласан нийт суралцагч эмч нарын урам зориг хугарахад хүрч байгаа бөгөөд улмаар АШУҮИС-ийн нэр хүндэд халдсан хэрэг болж байгаа талаар дурьдан НЭМГ, ЭМЯ, ЭМХТ-д албан бичгийг хүргэлээ. 

Олон хоног хичээл зүтгэл гарган, даарч ядарч айж түгшиж байсан ч ар гэр, үр хүүхэд бүхнээ орхин галын шугамд ажилласан нийт резидент эмч нартаа баярласнаа илэрхийлье.

Жич: 03 сарын 23-ны өдрөөс эхлэн Эмнэлзүйн тойролтууд хэвийн үргэлжлэх болно.