Category Archives: Сувилахуйн сургалтын МЭДЭЭ

Сувилагч, тусгай мэргэжилтний төрөлжсөн болон мэргэжил дээшлүүлэх сургалтын цахим бүртгэл сунгагдлаа

2019-2020 оны хичээлийн жилийн хаврын улирлын Сувилагч, тусгай мэргэжилтний төрөлжсөн болон мэргэжил дээшлүүлэх сургалтын цахим бүртгэл  2020.04.20-ны өдрийн 10:00 цаг хүртэл сунгагдлаа.

Жич: Бүртгэл зөвхөн цахимаар хийгдэх тул өөрийн биеэр ирэхгүй байх сургалт эхлэх талаарх мэдээллийг 4 сарын 15-нд  энэхүү вэбээр мэдээллэнэ.

Бүртгүүлэх бол ЭНД ДАРНА уу.

Сургалтын бүртгэлтэй холбоотой асуух зүйлээ доорх утсаар холбогдон асууна уу.

Утас: 11-321194, 91171954

Халдвар хамгаалалтын асуудалд анхааран ажиллаж байна

Дайчлагдан ажиллаж буй эмч нарын халдвар хамгаалал, аюулгүй байдал, ажиллах нөхцөл байдлын талаар Мэргэжил Дээшлүүлэх Институтийн зүгээс хяналт хийж, ЭМЯ, НЭМГ-т удаа дараа  цаг тухайд нь хүсэлт гарган дайчилгаанд ажиллаж буй эмч нарын халдвар хамгаалал, аюулгүй байдал, ажиллах нөхцөл бололцоогоор хангаж ажиллах хүсэлтийг хүргүүлсэн.

Хэдийгээр өмнө нь хангалт хийж байсан ч зохион байгуулалтын асуудал дээрээ багахан алдаа гаргаж байснаа засаж НЭМГ дээрээ тухайн өдрийн багийн ахлагч нарт албан ёсоор хүлээлгэн өгдөг болсон тухай НЭМГ-аас өнөөдөр мэдээллээ.  

Сувилагч, тусгай мэргэжилтний төрөлжсөн болон мэргэжил дээшлүүлэх сургалтын цахим бүртгэл

2019-2020 оны хичээлийн жилийн хаврын улирлын Сувилагч, тусгай мэргэжилтний төрөлжсөн болон мэргэжил дээшлүүлэх сургалтын цахим бүртгэл эхэллээ.

Цахим бүртгэл 2020.04.01-ний өдрийн 10:00 цаг хүртэл явагдана.

Жич: Бүртгэл зөвхөн цахимаар хийгдэх тул өөрийн биеэр ирэхгүй байх мөн өндөржүүлсэн бэлэн байдлыг 2020.04.01-ний өдрөөс дахин сунгасан тохиолдолд сургалт эхлэх талаарх мэдээллийг тухайн үед цахимаар мэдээлнэ.

Бүртгүүлэх бол ЭНД ДАРНА уу.

Сургалтын бүртгэлтэй холбоотой асуух зүйлээ доорх утсаар холбогдон асууна уу.

Утас: 11-321194, 91171954

Уриалга

Дэлхий нийтэд цар тахлын хэмжээнд хүрч “COVID-19” хэмээн нэрлэгдээд байгаа энэхүү аюулт өвчний эсрэг Монгол улсын төр шийдвэртэй арга хэмжээ авч хэрэгжүүлж байгаа бөгөөд үндсэн мэргэжлийн чиглэлээр суралцаж байгаа резидент эмч та бүхнийг эрсдэлээс урьдчилан сэргийлэх ажилд дайчлан, шаардлагатай үед голомтонд ажиллуулах бэлэн байдлыг ханган ажиллаж байгааг та бүхэн мэдэж байгаа.

Бид өнөөдрийг хүртэл дэлхий нийтийг цочроогоод байгаа өвчний эсрэг өргөсөн тангарагтаа үнэнчээр ажиллаж Улаанбаатар хот руу орох, гарах шалган нэвтрүүлэх цэгүүд дээр 24 цагаар ажиллаж, зарим мэргэжлийн тухайлбал: мэс засал, дотор, сэхээн амьдруулах, эрчимт эмчилгээ, яаралтай тусламж, гэмтэл согог судлал, эх барих эмэгтэйчүүд, хүүхдийн чиглэлээр суралцаж байгаа эмч нар маань бэлэн байдлыг ханган ажиллаж байна. Энэ сургуулийн резидент эмч нар 2003, 2009 онуудад гарсан SARS, H1N1 үед ч мөн төр засгийнхаа шийдвэрийг хэрэгжүүлэн ажиллаж байсан арвин туршлагатай. Төр засаг ч энэ хүнд үед ажилласан эмч нартаа ажлын төгсгөл үр дүнд хүрсний дараа урамшуулал олгож байсныг бид мартаагүй, тэрхүү голомтонд ажилласан эмч нар маань тухайн үедээ арвин туршлага хуримтлуулж, өнөөдөр ч тэргүүн эгнээнд ажиллаж байгаа. Тиймээс резидент эмч нар та бүхэндээ хэн нэгний өдөөн хатгасан, нийтийн санаа бодлыг эргэлзүүлсэн мэдээлэлд авталгүй өөрсдийн хариуцсан ажилдаа санаачлагатай, хариуцлагатай ажиллахыг Мэргэжил Дээшлүүлэх Институтийн зүгээс хүсч байна.

Дайчлагдан ажиллаж буй эмч нарын халдвар хамгаалал, аюулгүй байдал, ажиллах нөхцөл байдлын талаар Мэргэжил Дээшлүүлэх Институтийн зүгээс хяналт хийж, ЭМЯ , НЭМГ-т удаа дараа (2020 оны 1/390 тоот албан бичиг)  цаг тухайд нь хүсэлт гарган дайчилгаанд ажиллаж буй эмч нарын халдвар хамгаалал, аюулгүй байдал, ажиллах нөхцөл бололцоогоор хангаж ажиллахыг хүссэн.

Аливаа ажлын үр дүнтэй төгсгөл хүртэл Дэлхий нийтэд хүнд сорилт болсон “COVID-19” цар тахлын үед ард түмэн, үйлчлүүлэгч нарын эрүүл мэндийн төлөө өдөр, шөнөгүй ажиллаж байгаа олон мянган эмч нартай мөр зэрэгцэн, хүлээсэн үүргээ ухамсарлан, хариуцлагатайгаар манлайлан ажиллахыг  Та бүхэндээ УРИАЛЖ БАЙНА.

Мэргэжил Дээшлүүлэх Институт

Өндөржүүлсэн бэлэн байдлын үед Улаанбаатар хот руу орох гарах постонд дайчлагдан ажиллаж байгаа суралцагч эмч нарын үйл ажиллагаатай танилцах ээлжит хяналт эргэлтийг хийлээ

Мэргэжил дээшлүүлэх институт нь өмнө нь Эмээлт, Гүнт, Морингийн давааны шалган нэврүүлэх постонд дайчлагдан ажиллаж байгаа эмч үйл ажиллагаатай танилцаж санал хүсэлтийг нэгтгэн НЭМГ, ЭМХТ-д уламжилж байсан бол 2 дахь удаагийн хяналт эргэлтийг 2020 оны 3-р сарын 12-ны өдөр Налайх, Өлзийт, Баруун туруун, Эмээлтийн шалган нэвтрүүлэх постонд дайчилгаанд ажиллаж байгаа суралцагч эмч нартай уулзаж гүйцэтгэж байгаа ажил үүрэгтэй нь танилцаж, санал хүсэлтийг нь авч,мөн хамтран ажиллаж байгаа багийнхны санал сэтгэгдлийг сонсож, зөвлөгөө өглөө.

Мэргэжил Дээшлүүлэх Институтийн захирал Д. Амарсайхан, арга зүйч Г. Алимаа нар хяналт эргэлтийг хийхэд Налайх шалган нэвтрүүлэх постонд 2 дүрс оношилгооны үндсэн мэргэшлийн чиглэлээр суралцаж байгаа 3, хөтөлбөрийн зөрүү арилгах багц цагийн сургалтанд суралцагч 2,Өлзийтийн шалган нэвтрүүлэх постонд төгсөлтийн дараах сургалтанд эмнэлзүйн эмгэг судлалын үндсэн мэргэшлийн сургалтанд суралцаж байгаа 2, хөтөлбөрийн агуулгыг нөхөн суралцах багц цагийн сургалтанд суралцагч 2, Баруун турууны шалган нэвтрүүлэх постонд Өрхийн анагаах ухаан судлалын суралцаж байгаа 2, Нүд судлалын чиглэлээр суралцаж байгаа 2, хөтөлбөрийн агуулгыг нөхөн суралцах багц цагийн сургалтанд суралцагч 2, Эмээлт шалган нэвтрүүлэх постонд Нүд судлалын чиглэлээр суралцаж байгаа 3, хөтөлбөрийн агуулгыг нөхөн суралцах багц цагийн сургалтанд суралцагч 3 эмч буюу нийт 23 эмч хуваарийн дагуу ажил үүргээ хариуцлагатайгаар гүйцэтгэж байлаа.

Мэргэжил дээшлүүлэх институтийн зүгээс нийт дайчлагдан ажиллаж байгаа эмч нарт дараах мэдээлэл зөвлөгөөг өглөө.

• Авто тээврийн хөдөлгөөнтэй газар аюулгүй байдлаа хангаж ажиллах,
• Халдвар хамгааллын дэглэм баримталж хариуцлагатай ажиллах,
• Хамтран ажиллаж буй багийнхан болон зорчигч, Эрүүл мэндийн төвийн удирдлага хамт олонтой ёс зүйтэй, соёлтой, хүндэтгэлтэй харилцах
• МДИ-ийн вэб хуудсан дайчилгааны үйл ажиллагаа, хангамж, зохион байгуулалттай холбоотой санал асуумж бөглөх талаар зааварчилгаа өгсөн
• Дэд захирал Д. Зоригийн дэмжлэг болгон өгсөн 100 ширхэг маскыг суралцагч болон цагдаа нарт тараахад сэтгэл өндөр хүлээн авсан.

Бид дайчилгаан ажиллаж байгаа суралцагч эмч нарын ажиллах нөхцөл аюулгүй байдлыг хангах үүднээс шалган нэвтрүүлэх постонд ажиллаж байгаа суралцагчдын санал хүсэлтийг ажлын байран дээр нь очиж авахаас гадна, судалгааг институтийн веб хуудсаар цахим хэлбэрээр авч нэгтгэн ЭМС болон УОК, НОК- уламжлахаар төлөвлөн ажиллаж байна.

Дэлхий нийтэд хүнд сорилт болсон COVID 19 цар тахлын үед ард түмэн үйлчлүүлэгч, өвчтөн бүрийн амь насыг аврахаар өдөр шөнөгүй ажиллаж олон мянган эмч нартай хөл зэрэгцэн үүргээ ухамсарлан хариуцлагатайгаар манлайлан ажиллаж байгаа төгсөлтийн дараах сургалтанд суралцагч эмч нартаа АШУҮИС болон МДИ хамт олноос талархаж байна.

Нийт суралцагч эмч нарын анхааралд

Өнөөдрөөс эхлэн БСШУСЯ-ны хүсэлтийн дагуу эхний ээлжинд өндөржүүлсэн бэлэн байдалд ажиллах эмч нарын хуваарь гарлаа. Иймд үндсэн болон төрөлжсөн мэргэшлээр суралцаж буй эмч та бүхэн өөрсдийн тойролт хийж байгаа эмнэлэг, ажлын байрандаа байж, шаардлагатай үед бэлэн байхыг анхааруулж байна. Шинэ сар гарч буйтай холбоотойгоор хөдөө орон нутагтаа явахгүй байхыг хүсье.

Мэргэжил Дээшлүүлэх Институт

Үндсэн мэргэшлийн сургалт | Мэдээлэл бөглөх тухай

Оршин суугаа хаягийн мэдээллийг яаралтай шинэчлэн баталгаажуулах

Монгол Улсын Засгийн газрын 2020 оны 01 сарын 26-ны өдрийн хуралдаанаар Коронавирусийн халдварын эрсдэлээс сэргийлэх, суралцагчдыг дайчлан ажиллуулах бэлтгэл ажлын хүрээнд дараах ажлыг хийж байна.

Дайчилгаанд ажиллуулах шийдвэр гарвал суралцагчдыг оршин суугаа хаягийн ойролцоо байрлах эрүүл мэндийн байгууллагад ажиллуулах үүднээс дараах судалгааг авч байна.

Жич:

• Хаягийн мэдээллийг шинэчлэн баталгаажуулаагүй тохиолдолд хуваарилагдсан эрүүл мэндийн байгууллагад ажиллуулах болно.
• 2020 оны 02 сарын 04-ний өдрийн 15:00 цаг хүртэл өөрсдийн мэдээллүүдийг шинэчлэн баталгаажуулна уу.

Мэдээлэл шинэчлэн баталгаажуулах заавар:

•  http://pti.mnums.edu.mn хаягаар хандах.

• Суралцагчийн бүртгэлд нэвтрэх. Нэвтрэх нэр хэсэгт өөрийн суралцагчийн кодыг бичнэ, Нэвтрэх нууц үг хэсэгт өөрийн регистрийн дугаарын тоог бичнэ.

• Өөрийн нэвтрэх эрхээр нэвтэрсний дараа ЗАСАХ товчийг дарж өөрийн мэдээллүүдийг хянаж, засварлан хадгална.

• Өөрийн ургийн овог, утасны дугаар, гэрийн хаяг (одоо оршин суугаа хаягаар бүртгүүлэх) гэх мэх бүх талбаруудыг хянаж засварлан баталгаажуулаад хадгалах товчийг дарна. (Эцэг эхийн нэр, өөрийн нэр, регистрийн дугаарыг засах боломжгүй. хэрэв зөрүүтэй бол МДИ-д хандана уу)

Үндсэн /Резидент/ болон Төрөлжсөн мэргэшлээр суралцагч эмч нарын анхааралд

Эрүүл Мэндийн Сайдын 2020 оны 19 дүгээр албан даалгаврыг хэрэгжүүлэх ажлын хүрээнд төгсөлтийн дараах Үндсэн мэргэшлийн сургалтанд суралцагч резидент эмч нарт “Коронавирус болон томуу, томуу төст өвчний дэгдэлтийн үеийн тусламж, үйлчилгээ, халдвар хамгаалал, хариу арга хэмжээ” сэдэвт сургалтыг ЭМЯ, ЭМХТ-өөс зохион байгуулсан.

Монгол Улсын Засгийн газрын 2020 оны 01 сарын 26-ны өдрийн хуралдаанаар Коронавирусийн халдварын эрсдэлээс сэргийлэх зорилгоор их дээд сургуулиудын сургалтын үйл ажиллагааг 2020 оны 03 сарын 02 хүртэл түр зогсоосонтой холбоотойгоор уг сургалтанд хамрагдаагүй бусад мэргэшлийн БҮХ РЕЗИДЕНТ ЭМЧ НАР, ТӨРӨЛЖСӨН мэргэшлээр суралцагч бүх ЭМЧ НАР цахим сургалтын системд өөрийн бүртгэлээр хандаж “Коронавирус болон томуу, томуу төст өвчний дэгдэлтийн үеийн тусламж, үйлчилгээ, халдвар хамгаалал, хариу арга хэмжээ“ нэртэй цахим хичээлийг судална уу. Цахим сургалтын системээр суралцагч бүр уг хичээлийг судалсан эсэх тайлан гаргаж холбогдох газарт мэдэгдэх тул Суралцагч бүр өөр өөрийн эрхээр цахим сургалтын системд хандаж бүгд уг хичээлийг идэвхтэй, анхааралтай сайн судлахыг хүсэж байна.

Цахим сургалтын систем: ЭНД ДАРНА уу.

Системд нэвтрэх заавар:

Нэвтрэх нэр хэсэгт суралцагчийн код /Жишээ нь: pti1190132/,

Нууц үг хэсэгт Регистрийн Дугаарын 8 тоо(үсэггүй)-г бичиж нэвтэрнэ.

Үндсэн /Резидент/ мэргэшлээр суралцагч эмч нарын анхааралд

Эрүүл Мэндийн Сайдын 2020 оны 19 дүгээр албан даалгаврыг хэрэгжүүлэх ажлын хүрээнд төгсөлтийн дараах Үндсэн мэргэшлийн сургалтанд суралцагч резидент эмч нарт “Коронавирус болон томуу, томуу төст өвчний дэгдэлтийн үеийн тусламж, үйлчилгээ, халдвар хамгаалал, хариу арга хэмжээ” сэдэвт сургалтыг ЭМЯ, ЭМХТ-өөс 2020 оны 01 сарын 31-ний өдөр 15:40 цагт ЭХЭМҮТ-ийн хурлын зааланд АШУҮИС-ийн Мэргэжил Дээшлүүлэх Институтийн суралцагчдад зохион байгуулж байгаа тул заалны багтаамжаас хамаарч эхний ээлжинд дараах чиглэлээр суралцагч резидент эмч нар ЗААВАЛ хамрагдана уу.

Жич: Бүгд халад, маск, энгэрийн тэмдэгтэйгээ ирнэ үү, МДИ-ээс бүртгэл хийнэ.

1. Дотрын анагаах судлал
2. Ерөнхий мэргэшил судлал
3. Мэдээгүйжүүлэг судлал
4. Өрхийн анагаах ухаан судлал
5. Сүрьеэ судлал
6. Халдварт өвчин судлал
7. Хүүхэд судлал
8. Эрчимт эмчилгээ судлал
9. Эх барих, эмэгтэйчүүд судлал
10. Яаралтай тусламж судлал

Төгсөлтийн дараах сургалтын журмын 5.4.9-д /Нийтийг хамарсан гамшгийн нөхцөл байдал үүсэх, халдварт өвчний цар тахал гарах, онц байдал болон гамшгийн үеийн бэлэн байдал зарлагдсан тохиолдолд Эрүүл мэндийн асуудал эрхэлсэн төрийн захиргааны төв байгууллагын шийдвэр гарсан үед зохих журмын дагуу ажиллах; / заасны дагуу Эрүүл мэндийн асуудал эрхэлсэн төрийн захиргааны төв байгууллагын шийдвэр гарсан тохиолдолд суралцагчид дайчилгаанд хамрагдах болно.