МЯЭ дээр эмнэлзүйн тойролт хийж байгаа резидент эмч нарын анхааралд

Монгол-Японы эмнэлэгт эмнэлзүйн тойролт хийж байгаа резидент эмч нарт эмнэлгийн сургалтын албанаас “чиглүүлэх сургалт”-ыг 12 сарын 15-ны өдрийн 09:00 – 15:00 цагт МЯЭ-ийн сургалтын их танхимд хийхээр товолсон.

Энэхүү чиглүүлэх сургалтанд хамрагдаагүй, эмнэлгийн сургалтын албанд бүртгүүлээгүй резидент эмч МЯЭ-т эмнэлзүйн тойролт хийх боломжгүй болно.

Иймд эмнэлзүйн тойролт хийж байгаа резидент эмч нар товолсон хугацаанд сургалтанд хамрагдана уу. (Сургалтанд оролцохдоо халдвар хамгааллын дэглэм барьж масктай ирнэ)
Эмнэлгийн сургалтын албанд бүртгүүлээгүй бол яаралтай бүртгүүлнэ үү.

МЭРГЭЖИЛ ДЭЭШЛҮҮЛЭХ ИНСТИТУТ

Монгол Япон Эмнэлэгт эмнэлзүйн тойролт хийж буй Резидент эмч нарын анхааралд

МЯЭ -ийн захиргаа  тус эмнэлэг дээр эмнэлзүйн тойролт хийж байгаа резидент эмчийг бүртгэх, сургалтын зохион байгуулалтын заавар зөвлөгөө өгөх, дэмжлэг үзүүлэх асуудлыг шийдэх гэж байгаа тул өнөөдөр (2020.12.10-ны)  10:00 цагаас резидент эмч нарыг МЯЭ-ийн Хурлын зааланд цугларна уу.

Хоорондын зай барих, маск зүүх халдвар хамгааллын дэглэмийг баримтална уу.

Эрчим эмчилгээ, мэдээгүйжүүлэг, яаралтай тусламж судлалаар суралцагч эмч нарын анхааралд

Эрчим эмчилгээ, мэдээгүйжүүлэг, яаралтай тусламж судлалаар суралцагч эмч нар Эрүүл мэндийн хөгжлийн төвийн веб хуудсанд байршуулагдсан Эрчим эмчилгээ, мэдээгүйжүүлэг, яаралтай тусламж судлалаар суралцагч резидент эмч нарт зориулсан “Коронавируст халдвар (COVID19)-ын үед зохиомол амьсгалын цогц менежмент” сэдэвт сургалтыг 2020 оны 12 сарын 09-ний өдөрт багтаан судална уу. Цахимаар хичээлийг судалсны дараа буюу 2020 оны 12 сарын 09-ний өдрөөс 12 сарын 15-ны өдрүүдэд цахим (Zoom – ээр ) хуралд оролцоно уу.

2020 оны 12 сарын 09-ний өдөр хүртэл судлал:

Цахим хичээл судлах холбоос: http://124.158.112.62/training

2020 оны 12 сарын 09-15 өдрүүдэд цахим хуралд оролцох:

Zoom meeting id: 3481133252

Password: 123456 

Цахим хурлын хөтөлбөр:

Нийт суралцагчид НЭГ УДААГИЙН ХАМГААЛАХ ХУВЦАС ХЭРЭГСЭЛ ӨМСӨХ, ТАЙЛАХ заавартай сайтар танилцана уу.

Чих хамар хоолой, Эмнэл зүйн эмгэг судлалын 1, 2-р дамжааны суралцагчдын анхааралд

Чих хамар хоолой, Эмнэл зүйн эмгэг судлалын 1, 2-р дамжааны дараах суралцагчид орон нутгаас Улаанбаатар хотод ирж тусгаарлалтанд орсон иргэдээс коронавирусын халдварын шинжилгээ авах цэгт дайчлагдан ажиллах тул 2020 оны 11 сарын 27-ны өдрийн 10:00 цагт “Сорьц авах, хадгалах” сэдэвт сургалтанд цахимаар  хамрагдана уу.

Жич: Шинжилгээ авах цэгт өдрөөр ажиллах бөгөөд жирэмсэн болон хүүхэдтэй судалгаанд хамрагдсан эсэх нь хамаарахгүй болно.

Сургалт Zoom app – аар явагдах бөгөөд Meeting id:  545 031 3777  (Пассворд шаардагдахгүй).

Төгсөлтийн дараах сургалтын суралцагчдаас авах Томуугийн вакцин хийлгэх судалгаа

ХӨСҮТ – өөс эмнэлэгт ажиллаж байгаа буюу эрсдэлт бүлгийн эмч, сувилагч, эмнэлгийн мэргэжилтэнд Бразил улсын (3 цэнт) томуугийн вакциныг хийж байна. Уг вакциныг сайн дурын үндсэн дээр үнэ төлбөргүй хийх тул АШУҮИС-ийн төгсөлтийн дараах сургалтын суралцагчид дараах судалгаанд хамрагдана уу.

Орон нутгаас төрөлжсөн мэргэшил эзэмшүүлэх, мэргэжил дээшлүүлэх сургалтанд суралцаж байгаа суралцагчдын (эмч, сувилагч эмнэлгийн бусад мэргэжилтэн) анхааралд

Тухайн орон нутгийн ОНЦГОЙ КОМИССООС хүний нөөцийн дутагдалтай, шаардлагатай байгаа тухай АЛБАН БИЧГИЙГ НИЙСЛЭЛИЙН ОНЦОГОЙ КОМИССТ ирүүлсэн тохиолдолд шинжилгээнд хамруулан орон нутагт буцаах асуудлыг шийдвэрлэх гэж байгаа тул суралцаж байгаа тухай тодорхойлолт, албан хүсэлтийг Мэргэжил Дээшлүүлэх Институтээс авч болно (enkhtuya@mnums.edu.mn , enkhdavaa@mnums.edu.mn ). 

Жич: Эдгээр суралцагчид http://119.mn/ -д бүртгүүлэн оршин суугаа харьяа дүүргийнхээ шинжилгээ авах газарт цаг авч шинжилгээ өгч болно. Хэрхэн зорчих болон бусад мэдээллийг тухайн аймгийнхаа ЭМГ, НЭ-ийн хүний нөөцийн албанаас лавлана уу.

Эмч, сувилагч, эмнэлгийн бусад мэргэжилтний ТӨРӨЛЖСӨН МЭРГЭШИЛ ЭЗЭМШҮҮЛЭХ болон МЭРГЭЖИЛ ДЭЭШЛҮҮЛЭХ сургалтыг тодорхойгүй хугацаагаар хойшлуулах тухай

МУ-ын Засгийн газрын тогтоол, Эрүүл мэндийн сайдын тушаалаар Эрүүл мэндийн байгууллагыг бүх нийтийн бэлэн байдлын зэрэгт шилжүүлсэнтэй холбогдуулан Эрүүл мэндийн салбарын төгсөлтийн дараах сургалтанд баримталж буй бодлого чиглэлийн дагуу АШУҮИС нь төгсөлтийн дараах сургалтын эмч, сувилагч, эмнэлгийн бусад мэргэжилтний ТӨРӨЛЖСӨН МЭРГЭШИЛ ЭЗЭМШҮҮЛЭХ болон МЭРГЭЖИЛ ДЭЭШЛҮҮЛЭХ сургалтыг тодорхойгүй хугацаагаар хойшлуулж байгааг мэдэгдэж байна.  

Жич: Холбоо барих утсыг нээлттэй байлгах, шаардлагатай тохиолдолд дуудах болно.

Резидент эмч нарт зориулсан сургалт “КОВИД-19”

Бүх нийтийн бэлэн байдлын зэрэг тогтоосонтой холбоотой Үндсэн мэргэшлийн сургалтын 1-р дамжааны бүх суралцагчид Ковид-19-ийн халдварын үед авах арга хэмжээний тухай дараах цахим хичээлийн үзэж судална уу.

Хичээлийн http://elearning.mnums.edu.mn хаягаар хандан өөрийн суралцагчийн эрхээр хандан үзнэ үү. Суралцагчийн кодыг энгэрийн тэмдэг дээр бичигдсэнээр ашиглана. (Жишээ нь: PTI1200123)

Сургалтанд хамрагдсан тухай мэдээг ЭМЯ болон ЭМХТ-д илгээх бөгөөд нийт суралцагч эмч нар Ковид-19-ийн халдварын үед авах арга хэмжээний талаар сайн мэдлэгтэй байх нь чухал тул та бүхэн хариуцлагатай хандана уу.

Цахим хичээл үзэх заавар:

Цахим сургалтын систем зааварНЭВТРЭХ,ХИЧЭЭЛ ҮЗЭХ

Үндсэн мэргэшлийн сургалтын суралцагчдын анхааралд

Бүх нийтийн бэлэн байдлын зэрэг тогтоосонтой холбоотой Үндсэн мэргэшлийн сургалтын ДАРААХ суралцагчид Улсын онцгой комисс болон ЭМЯ-ны шийдвэрийн дагуу дайчилгаанд ажиллах бэлэн байдлыг ханган холбоо барих утсыг нээлттэй байлгаж өөрсдийн бэлэн байдлыг (дулаан хувцас, ариун цэврийн хэрэгсэл гэх мэт) хангана уу. ЭМХТ-өөс 2020 оны 11 сарын 19-ний өдрөөс эхлэн холбогдох болно.

Жич: Суралцагчид хүүхэдтэй, жирэмсэн болон суурь өвчтэй тухай мэдээллээ үнэн зөв бөглөсөн эсэхийг өөрсдөө хариуцах бөгөөд 1-р дамжааны суралцагчдын мэдээллийн ЭМХТ, УОК-д илгээсэн болно.